Më në fund është zyrtarizuar transferimi i Andrei Arshavin nga Zenit St. Petersburgu tek Arsenali për një vlerë prej afro 16.5 milionë funtesh.
Skuadra e Arsenalit ka konfirmuar të martën që mesfushori rus Andrey Arshavin u është bashkuar Topçinjve nga skuadra e Zenit St. Petersburgut.
“Jemi të ngazëllyer që e kemi transferuar Andrey Arshavinin. Ai është një lojtar të cilin e kam admiruar qe një kohë të gjatë. Ai është një lojtar i gjithanshëm me përvojë të madhe, i cili do t’ia shtojë kualitetin skuadrës sonë”, ka thënë trajneri i Topçinjve, Arsene Wenger.
Ndërsa pas kompletimit të transferimit të tij në Londër, në një intervistë për “Sky Sports News”, 27 vjeçari u shpreh para tifozëve të shumtë të cilin thërrisnin emrin e tij: “Jam i befasuar që shoh kaq shumë tifozë, të cilët i falënderoj shumë. Jam i kënaqur që jam këtu. Tash jam bërë një topçi. Dhe prandaj jam shumë i lumtur”.
Për të ndodhur ky transferim, Zeniti do të fitojë një vlerë prej më shumë se 16.5 milionë funte. 15 milionë funte për transferimin e lojtarit dhe 1.5 milion funte për prishjen e kontratës. Andrei Arshavin do të mbajë fanellën me numrin 23.
Wed Feb 04, 2009 7:46 pm