Tevez këtë muaj kalon tek Inter?
Shtypi italian njofton se sulmuesi argjentinas Carlos Tevez do të kalojë tek Interi para përfundimit të afatit kalimtar të janarit.
Manchester United heziton të nënshkruajë marrëveshje të përhershme me Tevezin, i cili është pronë e “Media Sports Investments”, ndërsa teknikisht është i huazuar në Old Trafford.
“Media Sports Investments” kërkon 32 milionë për 24-vjeçarin, ndërsa Sir Alex Ferguson nuk është i gatshëm të shpenzojë aq para për ta mbajtur Tevezin në skuadër, prandaj në fund të këtij sezoni ai do të jetë lojtar i lirë.
Mirëpo, “La Gazzetta dello Sport” njofton se huazimit të argjentinasit tek United mund t’i vijë fundi këtë muaj, pasi Nerazzurët dëshirojnë ta transferojnë atë në Giuseppe Meazza.
Kryetari i “Media Sports Investments” është takuar me drejtuesit e skuadrës zikaltër gjatë pranisë së tij në Milano, ndërsa të dy palët tashmë kanë filluar bisedimet për transferimin e Carlitos tek Inter.
Thu Jan 15, 2009 7:57 pm