Kurti gati për videoklip të ri

E njohur për paraqitjet unike, këngëtarja nga Mitrovica, Teuta Kurti, së fundi ka menduar të realizojë edhe një videoklip.

“Shumë shpejt do të nisin xhirimet e videoklipit të ri”, ka thënë Teuta. Ajo ka shtuar se edhe kësaj radhe ka zgjedhur të bashkëpunojë me të fejuarin e saj Dardanin.

“Ideja për realizimin e klipit ka qenë e Dardanit dhe është tejet interesante, diçka që nuk është parë më parë”, duke shtuar se më shumë detaje nuk do të zbulojë.

Kurti në një intervistë dhënë emisionit “Express Live” ka deklaruar se nuk preferon të shpenzojë shuma të mëdha parash në realizimin e video-klipeve.

Megjithëkëtë, ajo mundohet që çdo klip i saj të jetë i realizuar mirë. Kënga e radhës e cila po vizuelizohet mbanë titullin “Ty”. Muzika është realizuar nga Faton Dolaku, ndërsa teksti është shkruar nga vetë këngëtarja.