Agirre kupton zemërimin e tifozëve
Trajneri nën presion i Atletikos së Madridit, Havier Agirre, tha se
e kupton zemërinim e tifozëve, të cilët kërkuan largimin e tij, pas
ndeshjes së fundit. Atletiko e mbylli vitin 2008 me 15 ndeshje radhazi
pa humbje, por më 2009-n i ka humbur të tria ndeshjet e luajtura (dy në
kampionat dhe një në kupë) ndaj Barcelonës, Valencias dhe Bilbaos.
Të dielën tifozët kërkuan largimin e Agirres, i cili e drejton
ekipin që nga viti 2006. Trajneri meksikan tha: “Të gjitha humbjet
djegin. Na lëndon fakti që skuadra nuk bëri ndonjë paraqitje të mirë.
Kjo i ktheu tifozët kundra meje dhe futbollistëve, por mendoj se kanë
të drejtë të zemërohen.
Ne jemi e njëjta skuadër që i bënte gjërat mirë deri në dhjetor. Ai
ekip u kualifikua në Champions, por tri humbjet kanë sjellë një klimë
dyshuese, e cila po bëhet infektuese dita-ditës. Megjithatë, unë u
kërkova futbollistëve të qëndrojnë të qenë.
Ne do të përpiqemi të gjejmë se çfarë nuk ka funksionuar në ndeshjet
e fundit. Nuk është aspak vonë për t’u korrigjuar. Jemi pesë pikë larg
vendit të dytë, kur mbetet dhe një fazë për t’u luajtur, pa harruam se
mund të bëhemi edhe çerekfinalistë në Ligën e Kampioneve.