Qeveria ka zyrtarizuar vendimin e shumedebatuar qe ndalon importin e naftes D2 qe prej fillimit te ketij viti. Te drejten per shitjen e ketij produkti vetem per nje vit e ka “Armo”, e cila do ta siguroje prodhimin nga rafineria e Ballshit.

Fillimi i vitit 2009 dhe ulja e temperaturave nën zero kanë sjellë edhe rritjen e ndjeshme të çmimit të gazit në Rrethin Fier.

Rritja me 10% e çmimit ka sjellë për të gjithë konsumatorët e tij një dobësim të ekonomisë familjare, pasi produkti përdoret rëndom, sidomos në stinën e dimrit, për gatim dhe ngrohje. Kështu, nëse më parë një litër gaz shkonte nga 140 lekë deri në 150 lekë, sot ai ka shkuar në 160 lekë për litër. Banorë të ndryshëm të Fierit, që përdorin gaz si për ngrohje dhe gatim, shprehen se çmimi i gazit vjen gjithnjë në rritje, duke ndikuar së tepërmi në xhepat e tyre. "Ditë për ditë sheh çmim të rritur të gazit. Thua sikur prodhuesit e tij të jenë të ndikuar nga temperaturat dhe jo nga veçantitë e biznesit", ka thënë Hurma Levanaj, banore e Fierit. Në fillim të muajit tetor të vitit 2008, çmimi i një litër gazi ishte rreth 80 lekë për litër. Për pak javë ai shkoi në 120-130 lekë për litër.