Qeveria gjermane pret gjatë këtij viti recesionin më të rëndë ekonomik në Gjermani, që prej dhjetëra vitesh. Llogaritet se rënia ekonomike do të jetë rreth 2,25 për qind, kumtuan Ministri i Ekonomisë, Mishel Glos dhe ai i Financave, Pier Shtainbruk, në një raport për parashikimet vjetore të zhvillimit ekonomik, i cili zyrtarisht do të paraqitet nesër.
Për shkak të krizës ekonomike në industrinë e automjeteve, koncernet Daimler, Volkswagen dhe BMW kanë paralajmëruar shkurtimet e orarit të punës për 90 mijë punëtorë. Ndërsa koncerni më i madh tregtar në Gjermani, Metro ka paralajmëruar shkurtimin deri më vitin 2012 të 15.000 vendeve të punës.