Duke patur parasysh krizën ekonomike dhe financiare, programi për ushqimin i Kombeve të Bashkuara dhe organizata humanitare gjermane "Ndihma për urinë në botë" paralajmërojnë për ekzistencën e rrezikut të ashpërsimit të gjendjes së urisë në vendet e varfëra.
Qëllimi i përgjysmimit të numrit të të uriturve në botë deri në 2015 në krahasim me vitin 1990, është vënë në rrezik akut, tha zëdhënësi i Programit për Ushqimin, Ralf Sydof (Ralf Südhoff) për gazetën "Berliner Zeitung".
Ulja me një përqind e rritjes ekonomike në vendet në zhvillim do të thotë që edhe 20 milionë njerëz të tjerë bien nën kufirin e varfërisë.
Presidenti i Programit për Ushqimin, Hans Joahim Projs (Hans-Joachim Preuß) i tha gazetës se kjo vlen edhe për vendet si Kina, India dhe Brazili.
Nëse rritja ekonomike në Kinë përgjysmohet, atëherë 15 milionë fshatarë të vegjël do të preken nga varfëria.
Sun Jan 18, 2009 8:59 am