Përgjigjja e vërtetë e Nokias ndaj iPhone ende pritet?

Nëse mund të gjykohet sipas fotografive nga një prezantim i Nokias, kjo kompani ende është duke përgatitur përgjigjen e vërtetë ndaj shumë të popullarizuarit iPhone dhe na duhet të pranojmë se duket shkëlqyeshëm.
Edhe pse nuk bëhet fjalë për ndonjë model zyrtar apo madje paralajmërim të njëjtit, fotografitë të cilat janë shfaqur në prezantimin e Nokias flasin mjaft.

Në to gjendet një telefon i mençur shumë elegant me ekran të madh i cili shtrihet pothuajse në tërë pjesën e përparme të pajisjes, sigurisht i futur në funksion nga ndonjë version i ri i sistemit operativ Symbian.

Asnjë detaj tjetër mbi këtë pajisje apo/edhe sistemin operativ nuk janë paraqitur, prandaj na mbetet të presim. Mirëpo kur Nokia shfaqë diçka të këtillë, kjo shpesh është shenjë se në punëtoritë e saj veçmë po punojnë shumë në këtë drejtim.

www.nokia.com