Ribery dëshiron të transferohet te Barca
Anësori francez i Bayern Munichut, Franck Ribery, dëshiron që gjatë verës të transferohet te Barcelona.
“El Mundo Deportivo” shkruan se francezi dëshiron të largohet nga Bayerni në fund të këtij sezoni dhe përkundër interesimit që kanë shprehur skuadrat angleze, ai preferon të transferohet te gjigantët katalunas.
Trajneri i Bracës, Pep Guardiola, e pëlqen shumë Riberyn, ndërsa sponsorët e tij, kompania e veshjeve sportive “Nike”, preferojnë ta shohin atë në Camp Nou.
Gjatë verës që shkoi Bayerni refuzoi një ofertë të Chelseat prej 40 milionë funtesh për Riberyn, i cili ka kontratë me skuadrën bavareze deri në vitin 2011.
Fri Jan 16, 2009 6:56 pm