Deco: T’i japim ca kohë Scolarit

Deco thotë se nuk ka krizë në Chelsea dhe se duhet t’i jepet më shumë kohë trajnerit Luiz Felipe Scolari për t’u vlerësuar puna e tij.

Pas humbjes ndaj Manchester United, Scolari është gjendur nën presion të fuqishëm dhe shumica thonë se ai nuk ka kapacitet ta fitojë Premierligën me Chelsean.

“Unë mendoj se duhet t’i jepet kohë Scolarit. Ai në Chelsea është vetëm disa muaj dhe nuk është trajner i keq. Në fillim të gjithë flisnin mirë për sistemin e tij të lojës dhe nuk mund menjëherë të jemi të këqij, siç flasin disa”, ka thënë portugezi.

“Është e vërtetë se në disa herët e fundit nuk luajmë mirë, por nuk ka krizë në Chelsea. Ne humbëm ndaj Manchesterit, por ligën nuk e kemi humbur. Kemi ende shanse”, ka përfunduar Deco.