Manisë së paraqitjes së aplikacioneve për iPhone ka vendosur t’i përkulet edhe Microsoft. Në kohët sotme, do të thoshim, asgjë e jashtëzakonshme, mirëpo bukur shumë për tu çuditur pse në Microsoft nuk kanë vendosur të paraqesin aplikacionet e njëjta në platformën e vet mobile.
Ekipi i njësisë së Microsoftit, Live Labs, ka paraqitur Seadragon Mobile, aplikacionin e parë të kësaj kompanie të dedikuar për shfrytëzim në telefonin e mençur iPhone nga kompania Apple. Ky program pa pagesë nga kjo e shtunë mund të shkarkohet nga dyqani online App Store i Apple.
Seadragon Mobile mundëson shfletim intuitiv të fotografive si të ruajtura në pajisje, apo atyre të vendosura në shërbimin e Photosynth të Microsoftit.
Nuk e kemi të njohur kur dhe nëse Microsoft do të paraqesin Seadragon Mobile për platformën Windows Mobile, mirëpo ajo që dimë është se në taborin e Microsoftit janë duke punuar edhe në disa aplikacione tjera për iPhone.
Sat Jan 17, 2009 1:11 pm