Apple heq dorë nga Macworld

Konferenca e sivjetme Macworld do të jetë edhe e fundit; nga Apple, në fakt, kanë paralajmëruar se mbajtja e kësaj ngjarje shumë të madhe nuk u shpaguhet.
Këtë veprim nuk ka qenë edhe shumë e vështirë ta parashikojmë; në fakt, panairet shitëse siç është Macworld nga viti në vit zvogëlohen dhe ndikimi i tyre në media është çdo herë e më i vogël, prandaj shumë kompani heqin dorë nga pjesëmarrja (e shtrenjtë) në ngjarje të tilla. Për ato para Apple do të mund të organizojë disa ngjarje më të vogla me të cilat do të arrijë efekt dukshëm më të madh.

Është interesante se edhe Steve Jobs nuk do të flas në Macworldin e sivjetmë, që sigurisht nënkupton se gjendja shëndetësore (e cila për një kohë i është dobësuar) është edhe me keq. Në vend të tij do të flasë personi përgjegjës i marketingut të kompanisë Apple - Phil Schiller, derisa shumë supozojnë se do të mund të vjen edhe paralajmërimi i Jobsit nga detyra e drejtorit ekzekutiv të kompanisë.

Sa i përket vet Macworldit, ajo që Apple do të paraqes në të si gjithmonë është një fshehtësi e mbajtur mirë, mirëpo po përflitet për modelin e ri të Mac Mini. Informatat e sakta, natyrisht, do t’i dimë kur Apple vendos që t’i publikojë vet.

www.macworld.com