Inxhinierët e universitetit në Utah kanë shpikur çelësin e automjetit i cili bllokon punën e telefonit celular. Qëllimi është, natyrisht, të ndalojë edhe fëmijët që flasin dhe shkruajnë porosi SMS gjatë vozitjes.
Shumica e shteteve po sjellin ligje për ndalimin e telefonave celularë gjatë vozitjes, por realiteti është se shumica e vozitësve nuk u përmbahen këtij rregulli pa marrë parasysh dënimeve të majme. Në Shtetet e Bashkuara të Amerikës shkelësit më të shpeshtë janë pikërisht vozitësit e rinj, të cilët po ashtu janë të rrezikuar nga mungesa e përvojës dhe guximi i tepërt gjatë udhëheqjes me automjetin.
Pajisja e emëruar Key2SafeDriving është menduar ashtu që prindërve tu ofrojë mbikëqyrje dhe kontroll ndaj celularit të fëmijëve të tyre derisa vozisin. Çelësi vjen me një pajisje të integruar e cila çiftëzohet me telefonin celular të shkelësit potencial.
Key2SafeDriving e vendos çelësin në shtëpizën nga e cila duhet të nxirret për ta përdorë. Në momentin e nxjerrjes së çelësit, Key2SafeDriving emeton sinjal deri tek telefoni i çiftëzuar celular i cili bllokon punën e tij. Në mënyrë që mbikëqyrja të jetë e plotë, celulari do t’i dërgojë porosi SMS prindit apo personit të caktuar për vendosjen e pajisjes së sigurisë nëse dikush ka tentuar ta përdorë derisa ka qenë i bllokuar.
Universitetit i ka bartur të drejtat për prodhim të kësaj pajisjeje në kompaninë private e cila Key2SafeDriving do të duhej ta lansonte në treg në afat prej gjysmë viti.
www.key2safedriving.net