Rëndohet gjendja shëndetësore e Patrick Swayze-t

Është rënduar gjendja shëndetësore e aktorit 56 vjeçar, Patrick Swayze. Sipas zëdhënësit të aktorit, Swayze është hospitalizuar gjatë vikendit, por nuk janë dhënë detaje të mëtutjeshme për gjendjen e tij. Për shkak të gjendjes së tij, aktori ka anuluar disa intervista për të promovuar filmin e ri “The Beast”. Vjet Swayze ishte diagnostikuar me kancer në pankreas dhe në intervistën e parë televizive pas diagnostikimit kishte deklaruar se mund të mos i kenë mbetur më shumë se 2 vjet jetë. “Do të doja të ishin 5, dy vjet më kanë mbetur nëse u besojmë statistikave. Dua të jetoj të paktën derisa të përfundojë shërimin që kam nisur”, kishte thënë ai. “Jam i tmerruar, i zemëruar, pyes veten pse po më ndodhë mua”, ka deklaruar Swayze. Megjithatë, aktori i ka hedhur poshtë zërat se ndodhem pranë vdekjes. “Nuk jam në shtratin e vdekjes, nuk kam hequr dorë dhe nuk po i them askujt lamtumirë”, shtoi ai. Sipas Shoqatës Amerikane për Sëmundjen e Kancerit, pacientët me kancer në pankreas mund të jetojnë deri në 5 vjet, por shumica prej tyre vdesin brenda 6 muajsh. Swayze është i njohur më së miri për rolin e instruktorit të vallëzimit në filmin e vitit 1987 “Dirty Dancing”. Ai ka luajtur edhe në një numër të madh filmash, përfshirë në hit-romancën e vitit 1990 “Ghost” dhe komedinë “To Wong Foo