Drejtues të Ministrisë së Tregtisë dhe Industrisë kanë bërë të ditur për të përditshmen Koha Ditore se qeveria, ndonëse kishte bërë të gjitha pregaditjet e duhura, nuk do të lejohet të ndërmarrë asnjë hap në drejtim të bllokimit të importit dhe është duke pritur një zgjidhje diplomatike të këtij problemi.
Ministri i Tregtisë dhe Industrisë, Lufti Zharku, ka deklaruar se kanë gati dy forma të kundërpërgjigjes ndaj Serbisë dhe Bosnjës, të cilat kanë bllokuar eksportet e Kosovës për në këto shtete për shkak të vulës doganore të Republikës së Kosovës.
E para sipas tij është vënia e doganës për 10 përqind për produkte e importuara nga këto dy shtete dhe masa e fundit e cila është bllokimi total i importit nga këto dy vendeve.
Ministri Zharku nuk ka dashur të komentojë pohimet për ndërkombëtarët të cilët sugjerojnë zgjidhje diplomatike, por ka pranuar se gjatë javës së kaluar kanë pasur takime intensive me ndërkombëtarë për këtë problem.
Kosova për këtë bllokim mallrash është ankuar edhe zyrtarisht në CEFTA, kryesuesi i të cilit për momentin është ministri malazias për zhvillim ekonomik, Branimir Gozdenovic.
Cefta është nja marrëveshje për tregti të lirë në mes të vendeve të Evropës Juglindore.
Thu Jan 15, 2009 11:49 am