Riise: Kthehem pas dy javësh

Mbrojtësi i Romës, John Arne Riise, i cili ka qenë jashtë aksioni që nga lëndimi që pësoi në takimin përballë Palermos (28 janar), është i bindur se do të jetë i gatshëm të luajë në ndeshjen e Ligës së Kampionëve kundër Arsenalit.
“Rikuperimi po shkon mirë dhe besoj se do të kthehem më herët saqë është menduar”.

“Nuk ndjej dhimbje në gju dhe jam i bindur se pas pesëmbëdhjetë ditësh do të jem në dispozicion të trajnerit”, ka thënë norvegjezi.

Nëse gjërat shkojnë mirë, Riise do të kthehet në ndeshjen kundër Sienas në Olimpico (21 shkurt) dhe do të jetë pjesë e skuadrës së Romës që do të udhëtojë në Londër për t’u ndeshur me Arsenalin më 24 shkurt.