Pas hetimeve të brendshme të bëra nga Departamenti i Hetimeve Kundër Mashtrimeve ndaj Kujtim Kastratit, menaxher i TI dhe Irfan Fejzullahut, menaxher operacional i TI, kryeshefi ekzekutiv i PTK-së ka suspenduar përkohësisht me pagesa këta dy menaxherë.
Këta të dy, do të jenë të suspenduar deri në marrjen e vendimit përfundimtar të organeve të drejtësisë së Republikës së Kosovës, thuhet në një njoftim të PTK-së.
Kryeshefi ekzekutiv i PTK sh.a., Shyqyri Haxha, siç theksohet në komunikatë, e ka marrë këtë vendim duke vepruar në kuadër të autorizimeve të veta me qëllim të mbrojtjes se interesave te korporatës.
Nga raporti i Departamentit i Hetimeve kundër Mashtrimeve dhe Hetimeve PTK sh.a, rrjedhë se ekziston dyshimi se këta dy menaxherë kanë kryer shkeljet disiplinore në flagrancë, të sanksionuara me Kodin e Mirësjelljes së punonjësve dhe Procedurat disiplinore PTK SHA.
Sun Feb 01, 2009 4:23 pm