Derisa shumica e prodhuesve të automjeteve për shkak të krizës aktuale financiare janë në rënie në mbarë botën, njësia M e BMW-së mund të lavdërohet me rritje prej 50 për qind!
Prej janarit të vitit 2008 deri në fund të muajit nëntor BMW ka shitur 22.340 automjete të serisë M, që është rritje për 50 për qind më e lartë në krahasim me 14.092 në periudhën e njëjtë të vitit 2007.
Vetëm në muajin nëntor të këtij viti njësia M ka shitur 1.900 automjete. Kontributi më i madh për shifra kaq impozante ka ardhur nga i riu M3 i cili aktualisht ofrohet në tri versione – si kupe, limuzinë dhe kabriolet – e i cili në vitin e parë të shitjes pothuajse për dy herë e ka tejkaluar paraardhësin e tij në periudhën e njëjtë.
Shitja e përgjithshme e BMW-së megjithatë nuk shënon rezultate të mira si kjo njësi prandaj në nivel global ka rënie prej 3.5 për qind.
Sat Jan 17, 2009 1:13 pm