Java (gjuhë programimi)

Java (lexo Xhàva) është një gjuhë programimi e orientuar në objekte, e cila ka sintaksë të derivuar nga gjuhët programuese C dhe C++. Kjo gjuhë është krijuar nga James Gosling dhe inxhinierë të tjerë të kompanisë Sun Microsystems, Inc. Programet e shkruara në Java janë tipikisht të përpiluara (ang. compiled) në një gjuhë ndërmjetëse të quajtur bytecode, e cila ekzekutohet në makinën virtuale të Java (ang. Java Virtual Machine), ku kjo mundëson funksionalitetin ndër-platformik të programit. Në kohën e ekzekutimit, bytecodi (bytecode-i) interpretohet ose kompilohet në gjuhën native për "vrapimin", megjithëse mund të bëhet edhe direkt nga hardware-i nga një përpunues Java.
Grupi filloi të punoi në vitin 1991, kur gjuha , fillimisht, quhej Oak. Emri u shndërrua më mbas në Java për faj të drejtës së autorit, sepse ekzistonte një gjuhë e quajtur Oak që nga 1991-shi.