Supermodelja Kate Moss planifikon të transferohet në SHBA për t’i ndihmuar të dashurit të saj, rokerit Jamie Hince, që të ndërtojë karrierë në Amerikë.
Sipas tabloidit “The Daily Mirror”, bukuroshja britanike dëshiron t vendoset në New York për ta mbështetur grupin e Hince, “The Kills”, të përqendrohet në arritjen e suksesit në top-listat amerikane.
“Jamie mendon se transferimi në SHBA do t’i ndihmojë lidhjes së tyre. Përveç kësaj ai ëndërron që të ketë karrierë të suksesshme në Amerikë me grupin “The Kills”. Ai dhe anëtari tjetër i grupit, Alison Mosshart, planifikojnë një turne të madh këtë vit në Amerikë, ndërsa Kate tashmë i ka të planifikuara modelimet atje”, ka thënë një burim për tabloidin “Mirror”.