Kompania amerikane Motorola ka paraqitur telefonin e ri të mençur me emrin Motosurf A3100.
Telefoni posedon ekran QVGA të ndjeshëm në prekje me madhësi prej 2.8 inçësh, i cili ofron rezolucion prej 240 x 320 pikselash, nëpërmes të cilit është mundësuar shfletimi i lehtë i internetit dhe fotografive.
Motosurf A3100 ka mbështetje për quad-band GSM (850/900/1800/1900MHz) dhe tri-band UMTS (850/1900/2100MHz), si dhe për lidhjet e shpejta HSPA e Wi-Fi. Në të gjenden edhe mbështetjet për Bluetooth 2.0 dhe mundësia për dëgjuese stereo pa tela.
Kamera prej 3 megapikselash me autofokus gjithashtu është e pranishme, derisa të gjitha dosjet e regjistruara mund t’i vendosni në kartelën microSD.
Telefoni punon me sistemin operativ Windows Mobile 6.1 Professional, e posedon edhe shfletues e internetit Opera si dhe klient për YouTube.
Motorola Motosurf A3100 në treg do të gjendet gjatë tremujorit të këtij viti, me çmim tani për tani të panjohur.
Wed Jan 14, 2009 4:45 pm